Bible
תהלים 88
שיר מזמור לבני קרח למנצח עלמחלת לענות משכיל להימן האזרחי יהוה אלהי ישועתי יוםצעקתי בלילה נגדך תבוא לפניך תפלתי הטה אזנך לרנתי כישבעה ברעות נפשי וחיי לשאול הגיעו נחשבתי עםיורדי בור הייתי כגבר איןאיל במתים חפשי כמו חללים שכבי קבר אשר לא זכרתם עוד והמה מידך נגזרו שתני בבור תחתיות במחשכים במצלות עלי סמכה חמתך וכלמשבריך ענית סלה הרחקת מידעי ממני שתני תועבות למו כלא ולא אצא עיני דאבה מני עני קראתיך יהוה בכליום שטחתי אליך כפי הלמתים תעשהפלא אםרפאים יקומו יודוך סלה היספר בקבר חסדך אמונתך באבדון היודע בחשך פלאך וצדקתך בארץ נשיה ואני אליך יהוה שועתי ובבקר תפלתי תקדמך למה יהוה תזנח נפשי תסתיר פניך ממני עני אני וגוע מנער נשאתי אמיך אפונה עלי עברו חרוניך בעותיך צמתותני סבוני כמים כלהיום הקיפו עלי יחד הרחקת ממני אהב ורע מידעי מחשך ---